主页 > C心生活 >本土靓装餐厅 100%足料见心思 Dining娜

本土靓装餐厅 100%足料见心思 Dining娜

2020-07-16
presented by 百份百餐厅

Photo:Meck

Dining娜话晒都半个伪文青,假日去下游山玩水打个卡真係少不免。出发当日天气不似预期,仲谂住可以入粉岭谷埔同牛牛影下相,可惜事与愿违。同行朋友话要一解扫兴之愁,带我去食拎过饮食界奥斯卡嘅 百份百餐厅 。

100%怀旧冰室 X 工业风 设计回到旧时

百份百餐厅嘅招牌菜「咖喱牛坑腩」曾两次获得「咖喱牛腩天王」嘅殊荣,係讲究时尚装潢的本土餐厅。除咗主打一系列香港地道菜式,多间分店仲自设麵包专柜,我仲未走入餐厅,已经闻到一阵阵新鲜出炉麵包嘅香味。睇住餐厅外墙贴上唔同时代嘅九巴,好似走咗入时光隧道,唔知几时会放埋最新英伦风车身设计嘅巴士呢?

本土靓装餐厅  100%足料见心思 Dining娜

坐入卡位,有种化身王家卫电影女主角嘅feel,喺度慢慢呷口奶茶。抬头一望,发现百份百餐厅楼底都几高,悬挂住旧时冰室嘅天花吊扇,装潢走流行嘅工业风,各种金属配件,将新潮同怀旧观感二合为一,衬托出别具风格嘅本土情怀!

本土靓装餐厅  100%足料见心思 Dining娜

百份百餐厅唔同角落都有怀旧装饰,钨丝灯胆、天花吊扇、怀旧广告海报等。

餐厅最近新推唔同口味嘅泡饭,其中「方鱼蚝仔杂菌鱼汤泡饭」同「瓜粒海鲜鱼汤泡饭」,都係份量十足嘅夏日推介,而Dining娜当然唔会错过充满潮式风味嘅蚝仔泡饭!用大地鱼炸成嘅方鱼,令泡饭更鹹香脆口。更正嘅係鱼汤底鲜甜浓郁,新鲜蚝仔粒粒肥美饱满,加入白菜、鲜菇、肉碎,仲有芫茜同葱花做点缀,啱晒大热天时无胃口食饭嘅你哋,闻到咁清甜嘅海鲜风味都即刻食指大动!

本土靓装餐厅  100%足料见心思 Dining娜

方鱼蚝仔杂菌鱼汤泡饭食材丰富,鲜甜嘅蚝仔、白菜、菇菌同肉碎,份量十足又美味!

本土靓装餐厅  100%足料见心思 Dining娜

晏睡晏起,夹正早餐嘅尾水就可以拣「香煎猪扒美式早餐」。听讲百份百餐厅得知食客锺意食煎蛋但又怕蛋白太生,于是首创自家煎蛋製法 ── 半焗流心蛋!厨师先煎后焗,配合黄金时间,先可以做出流心蛋黄被嫩滑全熟蛋白包住,蛋白边外脆内嫩!打工仔一族再醒返一杯Lipton香滑热奶茶,歎一杯快活过神仙,立即有冲劲做嘢!

本土靓装餐厅  100%足料见心思 Dining娜

一日之计在于晨,美式早餐有齐Juicy猪扒、半焗流心蛋、火腿、茄汁焗豆、配埋蒜香牛油多士!够晒能量冲到食Lunch!

重视健康嘅友人就点咗「健康清炒五色蔬」,有莲藕、四季豆、茄子、云耳同南瓜片,新鲜即炒,镬气十足!五种蔬菜口感各有不同,但味道好夹,唔会互相抢大家风头。莲藕、云耳爽口、茄子油而不腻;最特别之处就係餐厅不计成本,为咗畀顾客食出有住家风味又营养丰富嘅菜式,特登将营养价值极高嘅藜麦加入一贯软熟嘅白饭当中,希望顾客食得健康!

本土靓装餐厅  100%足料见心思 Dining娜

加咗响白饭入面嘅藜麦,含Omega 3、膳食纤维、维他命等丰富营养价值,真係食得健康又有「营」。

而家都好少听人讲「犀飞利」,犀飞利即係以前70年代用嚟形容好犀利、好劲、无懈可击咁解。而今次百份百餐厅嘅「犀飞利银芽肉丝脆麵」,更加有以前「奇哥」年代嘅味道。堆砌成山丘形状、又鬆又高嘅炸脆麵,当肉汁由上而下淋落脆麵、均匀流入每一根麵条,每一啖都脆口又juicy!

本土靓装餐厅  100%足料见心思 Dining娜

百份百餐厅

地址: 新界粉岭马适路1号逸峯广场地下6号舖

电话:2554 9100

营业时间:07:00-22:00

相关文章推荐